Beschrijving
Twentse Almanak 2027: de 148e jaargang!
Verschijnt 16 oktober 2026
Is folklore nog van disse tied? Of is dat daansen, de kleding, de leedkes, tradities en gebroeken veural van vroger? Jan Riesewijk -bekeande Twentenaar en veuraanstoand lid van de Losser Böggelrieders en Daansers- hef doar oet ervaring ne eagen opvatting oawer. Ziene mening is te leazen in de neije oetgave van ’n Twentse Almanak 2027. ’t Beukske krig zienen 148e joargaank. En der is meer in te leazen; ’t ongeleufelijke verhaal van nen boerenzön oet Tilligte den ‘n hof van Czaar Peter de Grote inricht hef, hoo ’t klooster in Albeargen en Huize Almelo mekaar in ’t vaarwater zit en dat Jan Willem Racer oet Olnzel noa 200 joar nog ‘n veurbeeld kan ween veur leu dee rechtevoort gangs bint met de rechtstaat, bestuur en burgerrechten. En in ’t vertrouwde beukske gef ’t ok ‘n verhaal oawer de meer dan doezendjoarige geschiedenis van de autobahn A1, historische beum in Twente en de biezundere geologische schatten in de oale groond van oons “steeds onvolprezene Twente”. In ‘t kleane beukske met den kunnigen lichtbroenen umslag stoat weer gedichten in de modersproak, kalendergegevens, moanstanden en de gegevens oawer de gemeenten, provincie, openbare instellingen, folkloreverenigingen en museums. Allemoal zovöl as ’t kan biewearkt noar de leste informatie. De Twentse Almanak 2027 is bie de tied, van dizze tied en veur dizze tied!
240 pagina's, softcover, rijk geïllustreerd ISBN 978-90-71517-98-3
